У Грэцыі з’явіўся першы падводны музей

• 3.08.2020, 16:56

Ён знаходзіцца на месцы старажытнага караблекрушэння ля бязлюднага астраўка Перыстэры.

У Грэцыі адкрылі падводны музей, у якім будуць праходзіць рэальныя і віртуальныя экскурсіі да патанулых антычных караблёў. Пра гэта паведамляе Greece High Definition, піша «Корреспондент».

Губернатар Фесаліі Костас Агарастас і папулярны спявак Сакіс Рува пагрузіліся ў ваду, каб разрэзаць стужку.

Музей размешчаны на глыбіні 25 метраў ля бязлюднага вострава Перыстэры ў заходняй частцы Эгейскага мора. Там знаходзяцца парэшткі грэцкага гандлёвага судна, якое затанула арыентавана ў 425 годзе да н.э.