Дзейны афіцэр СК заклікаў судзіць Караева і звярнуўся да сілавікоў
- 15.08.2020, 17:51
Ігар Лобан далучыўся да пратэстоўцаў у Горадні.
Супрацоўнік СК Беларусі Ігар Лобан апублікаваў у сваім Instagram паведамленне, у якім асудзіў прымяненне сілы супраць людзей, а таксама назваў міністра МУС Юрыя Караева «чалавекам без сумлення і гонару».
Ён адзначыў, што заява Караева пра «лялькаводаў і каляровыя рэвалюцыі» ўспрымаецца штодзённа і не выклікае нічога акрамя раздражнення. Таксама ён назваў дзіцячым лепетам спробы міністра апраўдаць гвалт і нялюдскасць абаронай канстытуцыйнага ладу.
Лобан назваў артыкул Крымінальнага кодэкса Беларусі, які, на яго думку, парушыў міністр - артыкул 128 «Злачынствы супраць бяспекі чалавецтва», у якім гаворыцца пра пакаранне аж да смяротнай кары за незаконнае ўтрыманне ў зняволенні, выкраданне людзей, катаванні і акты жорсткасці.
Вось зварот Ігара Лобана да міністра ўнутраных спраў Юрыю Караева:
«Паважаны (НЕ) міністр унутраных спраў Караеў Ю.Х.! Учорашнімі сваімі ванітамі на АНТ у стылі «самі вінаватыя» вы канчаткова зацвердзіліся ў маіх вачах як чалавек без сумлення і гонару. Клішэ пра лялькаводаў і каляровыя рэвалюцыі ўспрымаюцца штодзённа і не выклікаюць нічога акрамя раздражнення. Спробы апраўдаць гвалт і нялюдскасць абаронай канстытуцыйнага ладу - проста дзіцячы лепет. Катаванні, збіццё, стрэлы ў спіну бяззбройных людзей, якія ўцякаюць - гэта для вас абарона канстытуцыйнага ладу? Пагрозы пусціць дзяўчыну па крузе ў аўтазаку або ПР у заднім праходзе затрыманага - гэта абарона канстытуцыйнага ладу? Гэтаму няма апраўдання. Вы далі карт-бланш сваім падначаленым і нароўні з імі павінны несці адказнасць. Разумею, што Крымінальны кодэкс - не ваша настольная кніга, але з арт. 128 настойліва рэкамендую азнаёміцца. Захавайце рэшткі годнасці - падайце ў адстаўку... P.s. І ні слова па сітуацыі, якая склалася ад Генеральнага пракурора і Старшыні СК. Зрэшты - нічога новага», - напісаў афіцэр.
Сёння Ігар Лобан далучыўся да акцыі пратэсту ў Горадні і звярнуўся да сілавікоў.