Урад Лібана падаў у адстаўку на фоне пратэстаў

• 10.08.2020, 18:39

Мітынгоўцы выступалі за роспуск парламента і правядзенне рэформаў.

Урад Лібана падаў у адстаўку, заявіў міністр аховы здароўя рэспублікі Хамед Хасан у эфіры тэлеканала LBC, паведамляе ria.ru.

Пасля заканчэння пасяджэння СМІ паведамілі аб адстаўцы з пасады кіраўніка Мінабароны краіны Зэйны Акр. Акрамя таго, раней з аналагічнымі заявамі ўжо выступілі некалькі чальцоў ураду.

Аднак гэтая інфармацыя яшчэ не азначае афіцыйнай адстаўкі Кабінета міністраў. Чакаецца, што сёння ўвечары ў гэтым пытанні выкажацца прэм'ер-міністр.

Адстаўка ўрада ў поўным складзе будзе азначаць, што лібанскія ўлады выканаюць адно з патрабаванняў жыхароў Бейрута, якія з пятніцы выходзілі на мітынгі, перарослыя ў масавыя закалоты. Дэманстранты закідвалі паліцыянтаў камянямі і петардамі, у адказ у іх кідалі гранаты са слезацечным газам. Сярод іншага мітынгоўцы выступалі за роспуск парламента і правядзенне рэформаў.