Мы - партызанская краіна, а не прыгонныя сяляне
- 9.07.2020, 15:59
Перакрыем кісларод АМАПу, чыноўнікам і «кішэннаму» бізнэсу?
Чытачка Telegram-канала «Баста!» з Менска звярнулася да беларусаў.
«Пасля 1994 года я наогул не хадзіла на выбары, не было сэнсу, бо таракан выбіраў сябе сам, - піша яна. - За гэтыя гады бачыла ўсё, у тым ліку беззаконне і хамства чыноўнікаў.
І хацелася б ведаць, яны што, забыліся, хто на іх працуе, хто корміць АМАП, войска, міліцыю? Пра Лукашэнку наогул няма размовы, ён даўно пераблытаў сваё з народным.
Бо зразумела, хто іх утрымлівае. Дык, мажліва, ім усім - АМАПу, чыноўнікам, «дэпутатам», «кішэннаму» бізнэсу - перакрыць кісларод? Зусім хутка прыйдзе час ладзіць забастоўкі на дзяржпрадпрыемствах. Трэба ўжо цяпер гатавацца да іх, размаўляць з калегамі па цэху, у аддзелах.
Трэба абуджаць, падымаць спальныя раёны. Кожны вечар выходзіць на балкон і грымець начыннем, каб дрэнна спалася яму, развешваць улёткі.
Мы - партызанская краіна. Народ наш вельмі смелы, рашучы і працавіты, але мы не прыгонныя сяляне і цяпер не 19-е стагоддзе».
Сцягвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю свабоднай Беларусі..