ЗША прыстрашылі адрэзаць Ганконг ад даляраў
- 8.07.2020, 20:15
Дзярждэпартамент разглядае санкцыі супраць валютнай сістэмы Ганконга.
Дзярждэпартамент ЗША абмяркоўвае магчымасць увядзення валютных санкцый супраць Ганконга пасля прыняцця Кітаем закона аб нацыянальнай бяспецы, які на Захадзе лічаць парушэннем аўтаноміі, замацаванай у дамове аб перадачы тэрыторыі Пекіну, паведамляе finanz.ru.
Шэраг дарадцаў дзяржсакратара Майка Пампеа прапанавалі ударыць па гангонгскаму даляру, які з 1983 года «прывязаны» да даляра ЗША, распавялі Bloomberg крыніцы, знаёмыя з дыскусіяй.
З іх слоў, ідэя цыркулюе на ўзроўні Дзярждэпартаменту, але пакуль не атрымала дастатковай падтрымкі, каб яе пачалі абмяркоўваць вышэйшыя чыноўнікі адміністрацыі Трампа.
Адзін з магчымых механізмаў - гэта забарона для банкаў, што базуюцца ў Ганконгу, на куплю даляраў, кажуць крыніцы Bloomberg. Гэта дэ-факта адрэжа мясцовы рынак ад прытоку амерыканскай валюты і ўскладніць падтрыманне стабільнага курсу, які больш за 30 гадоў зафіксаваны на ўзроўні блізу 7,8 ганконскіх даляраў за амерыканскі.
Такі сцэнар раўнасільны санкцыям супраць кітайскай банкаўскай сістэмы. «Гэта гучыць вельмі радыкальна і можа мець негатыўныя і непрадказальныя наступствы не толькі для кітайскіх, але і для амерыканскіх банкаў, а таксама для ўсяго глабальнага фінансавага рынку», - кажа галоўны эканаміст Standard Chartered у Ганконгу Дын Шуанг.
Тыя ж асцярогі выказваюць амерыканскія чыноўнікі, кажуць крыніцы Bloomberg: пад ударам можа апынуцца не Кітай, а ганконгскія і амерыканскія банкі.
Магчымы больш мяккі сцэнар - з абмежаваннямі на даляравую ліквіднасць праз рынак свопаў, разважае стратэг AxiCorp Стыў Інс. «Гэта будзе найбольш просты спосаб, але незразумела, як далёка яны гатовыя зайсці», - кажа ён.
Зрэшты, у кітайцаў ёсць чым адказаць, мяркуе Інс: яны, напрыклад, могуць паспрабаваць дэстабілізаваць таксама прывязаныя да даляра валюты блізкаўсходніх хаўруснікаў ЗША. У іх ліку – Савудаўская Арабія, Кувейт і ААЭ.
Экстрэмальнай альтэрнатывай можа стаць адключэнне Ганконга ад SWIFT - міжнароднай сістэмы міжбанкаўскіх разлікаў, мяркуе галоўны эканаміст Daiwa Securities Group па Азіі Кевін Брэх. «Гэта ядзерная опцыя - яна малаверагодная, але не немагчымая, - тлумачыць ён. - Без доступу да глабальнай даляравай сістэме ганконскі даляр не можа функцыянаваць».
Прывязка ганконскага даляра да амерыканскага была ўведзеная ў кастрычніку 1983 года пасля імклівага абвалу мясцовага валютнага рынку. За месяц курс даляра ЗША падскочыў з адзнакі 6 да 9,5, пасля чаго Джон Брэмрыдж, які займаў тады пасаду кіраўніка Мінфіна Ганконга, зафіксаваў яго ў дыяпазоне 7,75-7,85.
Найбуйнейшай праверкай на трываласць для гэтай сістэмы стаў азіяцкі фінансавы крызіс 1998 года, калі ўладам давялося ўліць 118 млрд ганконскіх даляраў у рынкі, каб пакрыць уцёкі інвестараў, распрадаваць акцыі і абавязанні.
Зараз у распараджэнні манетарных уладаў Ганконга (Hong Kong Monetary Authority) - 440 млрд даляраў рэзерваў, што перавышае грашовую масу ў мясцовай валюце. ЦБ Кітая падасць Ганконгу неабходныя рэсурсы, калі ЗША ўвядуць санкцыі, заявіў у пачатку чэрвеня міністр фінансаў Пол Чан.