Саша Таракан заявіў, што перамог каранавірус

• 7.07.2020, 19:11

Не прыходзячы ў прытомнасць.

Лукашэнка 7 ліпеня праводзіць сустрэчу з актывам горада Менска - службовымі асобамі, «дэпутатамі», кіраўнікамі прадпрыемстваў. Падчас сустрэчы ён выказаўся наконт эпідэміялагічнай сітуацыі, паведамляе прэс-служба дыктатара.

- Я з Наталляй Іванаўнай (старшыня «савета рэспублікі» Наталля Качанава. - Заўвага.) толькі што перагаварыў, як сітуацыя складваецца на сённяшнюю раніцу. Я магу вас павіншаваць, што мы з гэтай бядой справіліся, - сказаў ён.

Колькі захварэлых, ачунялых і памерлых у Менску - невядома. Міністэрства аховы здароўя не дае статыстыку што да рэгіёнаў, толькі ў краіне. Лякарні па-ранейшаму перапоўненыя.