Меліціна Станюта звольнілася з АНТ

• 7.07.2020, 11:53

Раней беларуская гімнастка напісала допіс у падтрымку перамен у краіне.

Беларуская гімнастка Меліціна Станюта вяла праграму з трэніроўкамі на канале ОНТ. Яе рубрыку знялі з эфіру пасля эмацыйнага допісу ў падтрымку перамен. Сёння стала вядома, што Меліціна Станюта прыняла пастанову звольніцца з тэлеканала. Падрабязнасці яна расказала the-village.me.

- Ты звольнілася сама ці табе звольнілі?

- Я звольнілася сама. Магчыма, мне б нешта прапанавалі, але я апярэдзіла. Была доўгая гутарку з дырэктарам, але гэта мая пастанова.

- Цябе хацелі пакінуць?

- Там было ўсё складана. Я прыняла гэтую пастанову падчас размовы, зразумела, што звальняюся і не хачу далей. Канал меў на ўвазе, што выстаўляюячы гэты допіс, мне павінна было быць відавочна, што мяне звольняць. Але ў нас не было дамоўленасці аб тым, што я павінна ўзгадняць з АНТ свае допісы ў інстаграме. У нас была дамоўленасць, што я буду ўзгадняць кожнае сваё інтэрв'ю. Гэта пачалося ў 2018 годзе. Я павінна была пытацца перад кожным інтэрв'ю, ці магу я пагадзіцца.