Новая акцыя салідарнасці з Беларуссю прайшла ў Амстэрдаме

• 6.07.2020, 8:30

Беларусы правялі перформанс у цэнтры сталіцы Нідэрландаў.

Удзельнікі перформансу патрабавалі вызваліць палітычных зняволеных у Беларусі. У якасці сімвала беларусы выкарыстоўвалі карціну беларускага мастака Хаіма Суціна "Ева".

Карціну называюць скарбам карпаратыўнай калекцыі Белгазпрамбанка: на аўкцыёне Sotheby's яе набылі ў 2013-м за 1,8 млн даляраў. Гэта самая дарагая карціна ў Беларусі. Арыштаваны прэтэндэнт на пасаду прэзідэнта Беларусі Віктар Бабарыка, тады ўзначальваў банк, асабіста ўдзельнічаў у таргах, і арышт "Евы", як кажуць ягоныя калегі, успрыняў хваравіта. Калекцыя Белгазпрамбанка збіралася з 2011 года, пытанняў з боку падатковых органаў з нагоды набыцця карцін да банка не ўзнікала, пры ўвозе быў выплачаны неабходны мытны збор.

Удзельнікі акцыі ў Амстэрдаме даслалі здымкі ў рэдакцыю Charter97.org.