Эністан, Хэнкс, Шварцэнэгер: Амерыканскія знакамітасці заклікалі насіць маскі ад COVID-19

• 4.07.2020, 11:21

Зоркі звярнуліся да прыхільнікаў.

Сусветныя знакамітасці звярнуліся да сваіх прыхільнікаў. Зоркі просяць не забывацца пра выкарыстанне масак для прафілактыкі COVID-19, паведамляе nv.ua.

Актор Том Хэнкс і ягоная жонка Рыта Уілсан вылечыліся ад каранавірусу і цяпер заклікаюць не забывацца пра метады прафілактыкі хваробы. «На самай справе ёсць толькі тры рэчы, якія мы можам зрабіць, каб сустрэць заўтрашні дзень: насіць маску, выконваць сацыяльную дыстанцыю, мыць рукі», – адзначыў актор на нядаўняй прэс-канферэнцыі, прысвечанай фільму «Greyhound» са сваім удзелам.

Ініцыятыву Хэнкса падтрымліваюць і ягоныя калегі: Джэніфер Эністан, Арнольд Шварцэнэгер, Рыз Уізерспун, Робін Райт і іншыя.

«Нашэнне маскі не з'яўляецца палітычнай заявай. Гэта азначае, што вы клапоціцеся пра здароўе і бяспеку іншых людзей. Будзьце ласкавыя, насіце маску!» – напісала ў Instagram Уізерспун.