У краіне спее хваля забастовак?
- 28.07.2020, 12:24
Пра намер страйкаваць паведамілі супрацоўнікі «Брэстжылбуда».
У краіне спее хваля забастовак, паведамляе тэлеграм-канал nexta_live.
«Патрабуем сумленныя і празрыстыя выбары прэзідэнта Рэспублікі Беларусь» – на заводзе буйнапанэльнага домабудавання філіял КУП «Брэстжылбуд» абвесцілі пра страйк. Супрацоўнікі прадпрыемства таксама запатрабавалі вызвалення палітычных зняволеных і зняцця з іх усіх абвінавачванняў.
Забастоўка будзе доўжыцца з 10 да 11 жніўня, а ў выпадку «перамогі» Лукашэнкі на выбарах, супрацоўнікі абяцаюць далучыцца да бестэрміновага нацыянальнага страйку.
Нагадаем, што раней пра планаваны страйк абвесцілі таксама шахцёры з Салігорска, філіял «Завод хімвалакно» ААТ «Гродна Азот», БМЗ і ААТ «СветлагорскХімвалакно».