У Нямеччыне на жылы дом упаў самалёт

• 25.07.2020, 21:28

Аварыя адбылася ў горадзе Везель.

25 ліпеня ў горадзе Везель на захадзе Нямеччыны на жылы дом упаў невялікі самалёт з людзьмі. Пра гэта паведамляе RP Online, піша «Гордон».

Паводле звестак выдання, у выніку катастрофы была цалкам разбураная кватэра на верхнім паверсе, там таксама адбыўся пажар. Жанчына, якая жыла ў пацярпелай кватэры, атрымала цяжкія апёкі і памерла ў «хуткай». З ёй было дзіця, яно выжыла.

Загінулі два чалавекі, якія знаходзіліся ў самалёце.

Вядома яшчэ пра некалькіх параненых.

Разбіўся аднаматорны двухмесны самалёт TL Ultralight TL-96 Star. Прычыны яго падзення вывучаюць спецыялісты. Паводле звестак паліцыі, ёсць прыкметы, што апарат пачаў распадацца ў паветры на часткі.