Штаб Святланы Ціханоўскай звярнуўся да легендаў беларускага спорту

• 21.07.2020, 21:05

Штаб прапанаваў Азаранцы, Домрачавай і Мірнаму падтрымаць кандыдата ў прэзідэнты Святлану Ціханоўскую.

20 ліпеня кандыдатка ў прэзідэнты Святлана Ціханоўская і сябры аб'яднанага штаба Марыя Калеснікава і Вераніка Цапкала правялі жывы эфір на ютуб-канале «Радыё Свабода», дзе падзяліліся планамі і адказалі на пытанні, паведамляе «Трибуна».

Падчас жывой трансляцыі Цапкала звярнулася да вядомых беларусаў з прапановай падтрымаць іх штаб і ініцыятыву. Сярод тых, каго назвала Вераніка аказаліся зоркі беларускага спорту - Вікторыя Азаранка, Дар'я Домрачава і Максім Мірны.