Памёр стваральнік Алімпійскага медзведзяняці

• 20.07.2020, 16:48

Віктар Чыжыкаў працаваў карыкатурыстам і мастаком у часопісах «Кракадзіл», «Вясёлыя карцінкі» і «Мурзілка».

Мастак Віктар Чыжыкаў, стваральнік Алімпійскага медзведзяняці, памёр ва ўзросце 84 гадоў. Пра гэта паведамляе kp.ru ў панядзелак, 20 ліпеня.

Прычына смерці не ўдакладняецца. Адзначаецца, што скон мастака стаўся нечаканасцю для калег.

Чыжыкаў працаваў карыкатурыстам і мастаком у часопісах «Кракадзіл», «Вясёлыя карцінкі» і «Мурзілка». Ён прыдумаў і намаляваў медзведзяня Мішу, які стаў талісманам летніх Алімпійскіх гульняў 1980 года, што прайшлі ў Маскве.