Уначы ў рабоце Telegram у Беларусі адбыўся збой
- 16.07.2020, 17:41
Магчыма, гэта было пробнае блакаванне.
На паведамленні чытачоў tut.by і карыстачоў Сеткі, прыкладна з дзвюх да трох гадзін ночы 16 ліпеня ў Беларусі назіраліся праблемы ў працы Telegram.
«Уначы з 01:58 да 2:50 у Беларусі не працаваў Telegram», «Telegram не грузіўся нават з Wi-Fi», «сёння а 2 ночы не працаваў наогул - ні з МТС, ні з A1» - такія і падобныя паведамленні можна было прачытаць у Сетцы.
Паводле звестак сэрвісу Downdetector, паведамленні аб збоях прыходзяць з усіх абласных гарадоў Беларусі, а таксама Мазыра, Пінска, Ліды, Наваполацка, Барысава і Жодзіна.
Таксама праблемы назіраюцца ў Маскве.
Некаторыя карыстальнікі сацсетак падазраюць, што такім чынам ажыццяўлялася «блакаванне Telegram».