NYT: ЗША могуць забараніць сябрам Кампартыі Кітая ўезд у краіну
- 16.07.2020, 12:38
Са звестмак газеты, план пакуль не дапрацаваны і можа быць адпрэчаны прэзідэнтам.
Адміністрацыя Дональда Трампа разглядае магчымасць маштабнай забароны на ўезд у ЗША чальцоў Кампартыі Кітая ды іх сем'яў, паведаміла газета New York Times, паведамляе «Голас Амерыкі».
Спасылаючыся на неназваных асоб, знаёмых з гэтай прапановай, газета піша, што гэты крок амаль напэўна выкліча захады ў адказ супраць амерыканцаў, якія жадаюць уехаць або застацца ў Кітаі.
Са звестак газеты, прэзідэнцкая Пракламацыя, якая пакуль існуе ў выглядзе праекта, можа таксама дазволіць ураду ЗША адклікаць візы ў чальцоў партыі і іх сем'яў, якія ўжо знаходзяцца ў краіне, што прывядзе да іх высылкі.
Некаторыя прапанаваныя фармулёўкі таксама накіраваныя на абмежаванне паездак чальцоў Народна-вызваленчага войска Кітая і кіраўнікоў дзяржаўных прадпрыемстваў, хоць многія з іх, хутчэй за ўсё, таксама з'яўляюцца сябрамі партыі, паведаміла New York Times.
Дэталі плана, апісаныя чатырма крыніцамі, знаёмымі з дыскусіямі, пакуль канчаткова не дапрацаваныя, і прэзідэнт Трамп можа ў выніку адпрэчыць яго, дапусціла газета