Прадстаўнік Генеральнага сакратара ААН: У Беларусі павінны быць свабодныя і справядлівыя выбары

• 16.07.2020, 10:16

Стэфан Дзюжарык заявіў аб пільнай увазе кіраўніцтва арганізацыі да цяперашняй перадвыбарнай кампаніі.

Прадстаўнік Генеральнага сакратара ААН Стэфан Дзюжарык пракаментаваў падзеі, якія адбываюцца ў Беларусі, звязаныя з прэзідэнцкімі выбарамі. Пра гэта ён выказаўся на брыфінгу для прадстаўнікоў СМІ, піша tut.by.

Адказваючы на пытанне аб бачанні з боку Генеральнага сакратара ААН сітуацыі з нядопускам двух кандыдатаў і масавыя пратэсты у Беларусі пасля гэтага, а таксама неабходнасці правядзення там свабодных і сумленных прэзідэнцкіх выбараў, Стэфан Дзюжарфк заявіў аб пільнай увазе кіраўніцтва арганізацыі да цяперашняй перадвыбарнай кампаніі і неабходнасці захавання ўладамі правоў грамадзян на мірныя сходы.

- Свабодныя і справядлівыя выбары павінны быць усюды. Мы, зразумела, назіралі за тым, што адбываецца ў Беларусі, асабліва за дэманстрацыямі, за ўсім перыядам падрыхтоўкі да выбараў. У Беларусі ці дзе б там ні было яшчэ, як мы казалі, у людзей ёсць фундаментальныя правы ўдзельнічаць у мірных дэманстрацыях і бараніць вяршэнства закона. Так што мы працягнем сачыць за сітуацыяй, але я думаю, што важна, каб людзі маглі выказвацца мірна, а ўлады дэманстравалі стрыманасць і гарантавалі гэтае іх права, - заявіў прадстаўнік ААН.