Аляксей Ганчарэнка апублікаваў пастанову Рады Украіны да Лукашэнкі

• 15.07.2020, 19:06

Беларускі дыктатар спужаўся канкурэнцыі.

Сёння ўкраінскі народны дэпутат ад «Еўрапейскай Салідарнасці», кіраўнік міжфракцыйнага дэпутацкага аб'яднання «За дэмакратычную Беларусь» Аляксей Ганчарэнка апублікаваў праект пастановы Вярхоўнай Рады Украіны да Лукашэнкі і яго «парламенту».

- Як кіраўнік міжфракцыйнага аб'яднання «За дэмакратычную Беларусь», я заяўляю аб недапушчальнасці фактаў парушэння прынцыпаў дэмакратычнага правядзення выбараў у Беларусі.

Нагадаю, што 14 ліпеня Цэнтральная выбарчая камісія адмовіла ў рэгістрацыі кандыдатамі ў прэзідэнты Беларусі апазіцыянерам Віктару Бабарыку і Валерыю Цапкалу. Рэальная прычына, чаму сотні тысяч подпісаў за іх былі нівеліраваныя заключаецца толькі ў тым, што Лукашэнка бачыць у іх рэальных канкурэнтаў.

Такі падыход да арганізацыі выбарчага працэсу сведчыць аб яго недэмакратычнасці і пра нежаданне ўлады арганізаваць свабоднае волевыяўленне беларускага народа.

Наша міжфракцыйнае аб'яднанне ўжо зарэгістравала пастанову Вярхоўнай Рады са зваротам да «прэзідэнта» і «парламента» Беларусі з патрабаваннем выконваць дэмакратычныя, свабодныя і канкурэнтныя выбары. Акрамя гэтага, мы працягнем маніторыць сітуацыю з тым, як беларускія ўлады забяспечваюць права грамадзян на свабоду сходаў. Нагадваем, што перавышэнне законных мер забеспячэння правапарадку з'яўляюцца недапушчальнымі з пункту гледжання агульнапрынятых прынцыпаў правоў чалавека.

Браты беларусы! Віншую Вас з 610 гадавінай нашай агульнай перамогі пад Грунвальдам! Тады перамаглі Захад, цяпер пераможам Усход!

Слава Украіне! Жыве Беларусь!