Італійскі парламент прыняў пакет мер для падвышэння нараджальнасці

• 15.07.2020, 11:57

У яго ўваходзіць абавязковы бацькоўскі адпачынак і выплаты на дзяцей да 18 гадоў.

Парламент Італіі прыняў шэраг захадаў, якія павінны падвысіць нараджальнасць у краіне, піша «Европульс».

Галоўнае новаўвядзенне - абавязковая дапамога на дзіця. З 7-га месяца цяжарнасці маці і да 18 гадоў дзіцяці сем'ям будзе выплачвацца да 240 еўраў на месяц на першае дзіця ў залежнасці ад даходаў сям'і. На другое і наступных дзяцей сем'і атрымаюць да 290 еўра на месяц. На просьбу сям'і прамыя выплаты могуць замяніць падатковыя вылікі.

Акрамя гэтых выплат маладыя сем'і змогуць атрымаць кампенсацыю выдаткаў на яслі або няню - да 3 тысяч еўраў на месяц.

Акрамя таго, дэкрэтны адпачынак для маладых бацькоў будзе гарантаваным. Маладыя таты атрымаюць 10 дзён адпачынку адразу пасля нараджэння дзіцяці. Дагэтуль працягласць адпачынку для бацькоў у Італіі складала 5 дзён, і працадаўцы маглі яго не выдаваць. А для маладых маці, якія вяртаюцца на працу пасля дэкрэтнага адпачынку, мяркуюцца дадатковыя выплаты да заробку (сума выплат і іх працягласць пакуль не ўдакладненыя).

Пакет гэтых захадаў увойдзе ў дзеянне праз 2 гады.

Улады Італіі спадзяюцца, што гэтыя новаўвядзенні прастымулююць італійцаў раней заводзіць дзяцей. Са звестак Еўрастата, італьянкі становяцца маці пазней, чым жыхаркі іншых краін ЕЗ - у 31,2 года (у сярэднім у ЕЗ - у 28,8 года). Да таго ж у Італіі нараджальнасць складае ў сярэднім 1,3 дзіцяці на жанчыну, пры тым што ў Еўразвязе - 1,6.