Штаб Віктара Бабарыкі падае скаргу ў ЦВК на нерэгістрацыю свайго кандыдата
- 15.07.2020, 11:46
Скаргі будуць падаваць а 17:00.
Штаб вылучанага ў прэзідэнты Віктара Бабарыкі заявіў, што падрыхтаваў скаргу на парушэнне заканадаўства Рэспублікі Беларусь "Аб выбарах" і ўжо падаў яе ў ЦВК. 15 ліпеня а 17:00 прадстаўнікі штаба пададуць скаргу на нерэгістрацыю ў Цэнтральную выбарчую камісію ў Менску, паведамляе сайт Віктара Бабарыкі.
У скарзе патрабуюць:
- скасаваць пастанову ЦВК і зарэгістраваць Віктара Бабарыку і Валерыя Цапкалу кандыдатамі ў прэзідэнты Беларусі;
- змяніць меру стрымання Віктару і Эдуарду Бабарыкам, Сяргей Ціханоўскаму і іншым палітвязням.
У штабе звярнуліся да ўсіх неабыякавых грамадзян Беларусі з заклікам сцягнуць гэтую скаргу на сайце штаба Віктара Бабарыкі, раздрукаваць і таксама падаць яе ў ЦВК. Скаргу можна падаць асабіста або даслаць поштай на адрас ЦВК: Менск, вул. Валадарскага. вул. Савецкая, 11, 220010.
«Нам патрэбны сумленныя выбары і нам патрэбен мільён скаргаў», - заявілі ў штабе.