Навукоўцы назвалі тры суперпрадукты для паляпшэння работы мозгу

• 13.07.2020, 18:23

Адзін з іх - зялёны чай.

Італійскія і японскія навукоўцы назвалі тры суперпрадукты, якія значна паляпшаюць працу галаўнога мозгу, піша orthodox.od.ua.

Першым называюць какава, бо яго плады эфектыўна абараняюць клеткі мозгу ад запаленчых працэсаў, разам з гэтым паляпшаецца цыркуляцыя крыві. Гэты кампанент адказвае за падтрыманне кагнітыўных функцый і паляпшае памяць.

Далей ідзе вінаград, бо ў ім змяшчаецца рэсвератрол. Названае рэчыва знішчае свабодныя радыкалы, якія з'яўляюцца нестабільнымі малекуламі і правакуюць працэс акіслення ў мозгу, што прыводзіць да паслаблення кагнітыўных функцый. Прадухіляецца ўтварэнне тромбаў і памяншаецца ўзровень шкоднага халестэрыну.

Трэцім суперпрадуктам называюць зялёны чай. Людзі сярэдняга і старэйшага ўзросту, якія штодня ўжываюць напой з яго, валодаюць лепш арганізаванымі абласцямі мозгу ў параўнанні з тымі, хто яго пазбягае.

Станоўчае ўздзеянне зялёнай гарбаты на сегменты мозгу праяўляецца таксама ў актывізацыі кагнітыўных функцый і паляпшэнні іх якасці. У названым напоі змяшчаецца злучэнне эпігалакатэхін-3-галат, які стабілізуе працу галаўнога мозгу.