У аўторак у Беларусі будзе да +23 градусаў

• 13.07.2020, 14:40

Па ўсходзе краіны чакаюцца кароткачасовыя дажджы і навальніцы.

Кароткачасовыя дажджы і навальніцы чакаюцца па ўсходзе Беларусі 14 ліпеня, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

Чакаецца пераменная воблачнасць, пераважна без ападкаў, толькі па ўсходзе краіны пройдуць кароткачасовыя дажджы, у дзённыя гадзіны месцамі навальніцы. Ноччу і раніцай у асобных раёнах будзе слабы туман. Вецер прагназуецца паўночны, паўночна-заходні 4–9 м/с, днём па ўсходзе парывы будуць дасягаць 14 м/с, месцамі – да 15–18 м/с.

Тэмпература паветра ўначы складзе 6–12 градусаў цяпла. Днём паветра прагрэецца да 17–23 градусаў.