Гамяльчанка: Людзі нарэшце расплюшчылі вочы

• 7.06.2020, 22:23

Пара ствараць сапраўдную краіну для жыцця.

Нягледзячы на спякоту, сотні чалавек пасталі ў чэргі, каб падпісацца за альтэрнатыўных кандыдатаў у Гомелі, паведамляе «Радыё Свабода».

Пенсіянерка Галіна расказала журналістам, што прыйшла на пікет, бо ёй падабаецца, што «людзі нарэшце расплюшчыць вочы і зразумелі, нарэшце жыць нельга, проста немагчыма»

«У мяне дзеці, унукі - я хачу, каб яны бачылі лепшае жыццё, а не такое, як мы. Гэтай кантрактнай сістэмай усіх трымаюць на кароткім ланцугу, чалавек не можа нічога сказаць. Мой унук чорт ведае, дзе працуе, бо дома тут няма працы. Можа лішняе скажу, але я скажу так: у Лукашэнкі гэта дыягназ, хвароба, гэта не лечыцца, ён сінімі пальцамі трымаецца за ўладу і думае, што ўсе нічога не разумеюць!», - выказалася Галіна.