У Варшаве прайшла шматлікая акцыя салідарнасці з Сяргеем Ціханоўскім і свабоднай Беларуссю

• 6.06.2020, 15:29

Пратэстоўцы сабраліся каля беларускай амбасады.

У Варшаве каля будынка амбасады Беларусі прайшла акцыя салідарнасці з Сяргеем Ціханоўскім, Міколам Статкевічам і іншымі арыштаванымі паводле палітычных матываў у нашай краіне, паведамляе «Радыё Рацыя».

Пратэстоўцы таксама патрабавалі вольных выбараў у Беларусі і выказваліся супраць узурпацыі ўлады Лукашэнкам.

У акцыі ўдзельнічалі дзясяткі чалавек, у тым ліку старшыня дэлегацыі Еўрапарламента ў сувязях з Беларуссю Роберт Бедрань.

Нагадаем, заўтра, 7 чэрвеня, а 12-й на Камароўскім рынку ў Менску пачнецца легальны пікет за перамены ў Беларусі.

Расклад легальных пікетаў у падтрымку Святланы і Сяргея Ціханоўскіх у найбліжэйшыя дні глядзіце тут.