На беларуска-ўкраінскай мяжы затрымалі двух мужчынаў і 500 папугаяў
- 5.06.2020, 14:56
Двое грамадзянаў Украіны пераходзілі пешшу і без дакументаў.
На адрэзку памежнага паста «Баравое» мазырскія памежнікі затрымалі двух грамадзянаў Украіны, якія пешшу пераходзілі мяжу без дакументаў – затое з папугаямі. Падрабязнасці расказалі ў Дзяржпамежкамітэце Беларусі, піша tut.by.
Украінцы цягнулі на сабе скрынкі, у скрынках хтосьці шчабятаў. Высветлілася, там 500 папугаяў.
Парушальнікаў мяжы адправілі ў ІЧУ. Птушак – у ветэрынарную службу, пасля чаго перадалі супрацоўнікам мытні.