Зяленскі змяніў кіраўніка Службы знешняй выведкі Украіны

• 5.06.2020, 14:13

Прэзідэнт Украіны звольніў Валерыя Еўдакімава з гэтай пасады.

Уладзімір Зяленскі ў пятніцу сваімі ўказамі змяніў кіраўніка Службы знешняй выведкі Украіны. На гэтую пасаду прэзідэнт прызначыў Валерыя Кандрацюка.

Пра гэта сведчаць указы Зяленскага на сайце Офіса прэзідэнта Украіны.

"Звольніць Еўдакімава Валерыя Уладзіміравіча з пасады кіраўніка Службы знешняй выведкі Украіны", – сказана ва ўказе №211/2020 ад 5 чэрвеня.

А іншым указам №212/2020 прэзідэнт прызначыў Валерыя Кандрацюка кіраўніком гэтай установы.

Так, у верасні 2019 года Зяленскі звольніў Кандрацюка з пасады намесніка кіраўніка Адміністрацыі прэзідэнта Украіны. Яго прызначыў яшчэ пяты прэзідэнт Пётр Парашэнка.

Адзначым, Кандрацюк працаваў на дыпламатычных пасадах, быў вайсковым аташэ Украіны ў ЗША, кіраваў Управай цэнтральнага апарату СБУ.

У перыяд з 2014 да ліпеня 2016 года быў кіраўніком дэпартамента контрвыведкі СБУ, са жніўня 2016 да кастрычніка 2017 года ўзначальваў Галоўную ўправу выведкі Міністэрства абароны Украіны.