Каранавірус распаўсюджваецца па Клецкаму раёну

• 4.06.2020, 16:57

Закрытыя некалькі школ, хварэюць медработнікі.

Чытач з Клецка распавёў Telegram-каналу «Баста!» падрабязнасці эпідэміялагічнай сітуацыі:

«Сёння раніцай была апублікаваная інфармацыя што да Клецку, - піша ён. - Яна не поўная. Школа №2 сапраўды закрытая, у лякарні цяпер знаходзіцца 15-16 настаўнікаў гэтай школы.

Закрытая школа ў аграгарадку Кухчыцы, там у двух выпускнікоў каранавірус, учора і пазаўчора брыгада медыкаў ездзіла па аграгарадку і брала мазкі ў многіх дварах.

Пацверджаныя выпадкі каранавіруса ў многіх работнікаў раённай лякарні. Хварэюць і лекары і медсёстры.

Пацверджаныя выпадкі захворвання ёсць практычна на кожным прадпрыемстве горада».

Сцягвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю свабоднай Беларусі.