Прэм'ер Арменіі: Эпідэмія ўзмацняецца, лякарні не паспяваюць прымаць пацыентаў

• 4.06.2020, 11:39

Нікол Пашынян і ягоная сям'я таксама заразіліся COVID-19.

Прэм'ер-міністр Арменіі Нікол Пашынян заявіў пра пагаршэнне эпідэмічнай сітуацыі - у краіне з насельніцтвам блізу 3 млн чалавек за дзень каранавірус выявілі ў 697 чалавек.

Пра гэта паведамляе "Радыё Азатуцюн".

"У мяне дрэнныя навіны. Эпідэмічная сітуацыя пагаршаецца. У нас 697 новых выпадкаў. Гэта значыць, што мы ўжо знаходзімся ў сітуацыі, калі мы не можам своечасова шпіталізаваць пацыентаў, якія ў гэтым маюць патрэбу", - адзначыў Пашынян.

Паводле ацэнак улад, у краіне цяпер блізу 20 тысяч чалавек, якія не ведаюць, што інфікаваныя каранавірусам. Са слоў Пашыняна, каб інфекцыя не распаўсюджвалася, трэба ставіцца да ўсіх, як да патэнцыйна інфікаваным, і прымяняць прафілактычныя захады.

За ўчора ад COVID-19 у Арменіі памерлі яшчэ 6 чалавек, а 9 чалавек, інфікаваных каранавірусам, памерлі з іншых прычын. Такім чынам колькасць пацыентаў, якія памерлі ад COVID-19 з пачатку эпідэміі ўзрасла да 176, а колькасць інфікаваных каранавірусам памерлых ў іншых прычын, узрасла да 68.

Адзначым, сам прэм'ер-міністр Арменіі Нікол Пашынян і ўся ягоная сям'я заразіліся каранавірусам. Захворванне ў іх праходзіць бессімптомна.

У канцы траўня Пашынян заявіў, што ў краіне назіраецца другая хваля пандэміі каранавіруса.