Каранавірус зачапіў беларускі ўрад?

• 4.06.2020, 11:26

Некаторыя міністры пастанавілі пакінуць свае пасады з прычыны стану здароўя.

4 ліпеня Лукашэнка назваў новы склад урада. Перад прыняццем гэтай пастановы ён правёў нараду са старшынёй так званага савета рэспублікі Наталляй Качанавай, старшынём "палаткі" Уладзімірам Андрэйчанкам, кіраўніком сваёй адміністрацыі Ігарам Сяргеенкам і дзяржсакратаром Савета бяспекі Андрэем Раўковым, паведамляе БелТА.

Лукашэнка заявіў, што ва ўрад ужо прыйшлі новыя міністры, а ранейшыя былі заменены або з іх уласнага жадання ў сувязі з пераводам на новую працу, ці ж, у рэдкіх выпадках, за незабеспячэнне адпаведнага ўзроўню работы.

"Проста з прычыны хваробы, з іншых прычын людзі сыходзілі на менш аб'ёмную працу. І паўгода мы фармавалі новы склад урада", - сказаў ён.

"Тыя, хто сёння з такімі аб'ёмамі ў гэты крызісны перыяд не можа даць рады, іх, вядома, трэба замяніць і накіраваць на іншую працу", - патлумачыў Лукашэнка.

Раней эксперты заяўлялі, што з-за адсутнасці карантыну ў краіне каранавірус пачне паражаць беларускую наменклатуру.