«Вы нават не ўяўляеце, што дзеецца з COVID-19 на АЭС у Астраўцы!»

• 4.06.2020, 10:57

У Астравецкім раёне - крытычная сітуацыя, у 80% альбо каранавірус, альбо ўсе сімптомы.

Жыхары Астраўца пішуць пра вельмі цяжкую сітуацыю, звязаную з успышкай заражэння, паведамляе тэлеграм-канал "Баста!".

"Вы нават не ўяўляеце, што дзеецца на БелАЭС. У Астраўцы, - піша чытач. - У 80% - альбо каранавірус, альбо ўсё сімптомы. На карантын адпраўляюць брыгадамі, ва ўсіх, каму рабілі тэсты, дадатны вынік.

У Астраўцы за дзень - амаль сотня заражаных. У мяне дадатны тэст, вынік быў вядомы яшчэ 22 траўня. Мяне пакінулі жыць у кватэры, дзе разам са мной пяцёра - з пацверджаным Covid-19, двое пакуль яшчэ здаровыя".

"У Астравецкім раёне - крытычная сітуацыя. Сотні заражаных, большасць па хатах проста пакінулі на волю лёсу", - піша іншы жыхар Астраўца.

Сцягвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю свабоднай Беларусі..