Першая ракетка свету Новак Джокавіч заразіўся каранавірусам

• 23.06.2020, 16:38

У ягонай жонкі таксама станоўчы тэст на COVID-19.

Першая ракетка свету Новак Джокавіч паведаміў пра тое, што заразіўся каранавірусам, піша «Зеркало недели. Украина».

У ягонай жонкі Алены таксама знойдзены каранавірус. Пра вынікі тэсту дзяцей пакуль няма інфармацыі.

«Мы арганізавалі турнір у час, калі вірус пайшоў на спад. Мы верылі, што ёсць умовы для таго, каб арганізаваць турнір. На жаль, вірус не сышоў, і гэта новая рэальнасць, з якой нам трэба будзе суіснаваць.

Я неймаверна шкадую аб кожным асобным выпадку заражэння. Спадзяюся, гэта не пашкодзіць здароўю і ўсе будуць у парадку. Я адпраўляюся на самаізаляцыю на 14 дзён. Праз пяць дзён я яшчэ раз прайду тэст», - адзначаецца ў заяве Джокавіча.