BE RU EN

Зяленскі падпісаў закон аб скасаванні абавязковых экзаменаў для ўкраінскіх школьнікаў

  • 21.06.2020, 20:46

Выпускнікі школ вызваленыя ад атэстацыі ў сувязі з пандэміяй каранавірусу.

Прэзідэнт Украіны Уладзімір Зяленскі падпісаў закон, які касуе абавязковую дзяржаўную выніковую атэстацыю ў гэтым годзе. Пра гэта заявіла в.а. міністра адукацыі Любаміра Мандзій, піша unian.net.

"Закон падпісаны прэзідэнтам", - паведаміла яна. Выпускнікі школ вызваленыя ад атэстацыі ў сувязі з пандэміяй каранавірусу.

18 чэрвеня Вярхоўная Рада вызваліла выпускнікоў школ ад праходжання дзяржаўнай выніковай атэстацыі праз эпідэмію COVID-19. Прыняты Вярхоўнай радай закон прадугледжвае, што вучні, якія заканчваюць поўную агульную сярэднюю адукацыю ў 2019/2020 навучальным годзе, вызваляюцца ад праходжання дзяржаўнай выніковай атэстацыі ў сувязі з карантынам праз каранавірус.

Атрымальнікі адукацыі, якія заканчваюць атрыманне поўнай агульнай сярэдняй адукацыі ў 2019/2020 навучальным годзе, маюць права прайсці дзяржаўную вынiковую атэстацыю, у тым ліку ў форме вонкавага незалежнага ацэньвання, з уласнага жадання.

Апошнія навіны