Каранавірус лютуе ў райвыканкаме Калінкавічаў

• 2.06.2020, 11:27

На лістках непрацаздольнасці таксама большасць работнікаў ЖКГ.

Новыя выпадкі заражэння Covid-19 у Калінкавічах. Большасць работнікаў ЖКГ - на лістках непрацаздольнасці, паведамляе тэлеграм-канал «Баста!».

«У адміністрацыі ЖКГ горада Калінкавічы неспрыяльная абстаноўка, - піша чытач канала. - За два тыдні шмат хто пайшоў на лісткі непрацаздольнасці, з аддзелаў у якіх працавалі 6-8 чалавек працуюць двое. Адклікаюць работнікаў з адпачынкаў. Хтосьці працягвае працаваць з тэмпературай, шмат кашляюць.

Ёсць людзі, хто не адчувае смаку і паху. У масках ходзяць адзінкі. Тыя, хто на лістках непрацаздольнасці, злеглі з высокай тэмпературай, ёсць выпадкі пнеўманіі».

«Шмат заражаных у райвыканкаме Калінкавічаў. Тэсты нікому не робяць, таму афіцыйна гэта не «кавід», але ўсе разумеюць, што напраўду там асяродак заражэння», - паведамляе жыхар горада.

Сцягвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю свабоднай Беларусі..