У Мазыры бракуе месцаў для заражаных каранавірусам і пнеўманіяй
- 14.06.2020, 18:12
З гарадской лякарні выпісваюць пацыентаў, не дачакаўшыся іх выздараўлення.
Пра гэта паведамляюць чытачы Telegram-канала «Баста!».
«Маёй маме ў чацвер зрабілі аперацыю ў Мазырскай гарадской лякарні, - піша чытач. - Сёння прайшлі чатыры дні. Раніцай прыйшоў лекар, агледзеў і выпісаў яе, нягледзячы на тое, што яна павінна была ляжаць 9-10 дзён.
Медперсанал паведаміў, што ўчора даставілі вельмі шмат кантактаў з COVID-19 і пнеўманіяй. За дзень было 20 машын, людзей няма куды класці, таму пацыентаў па-максімуму выпісваюць, нягледзячы на тое, што сёння нядзеля».
Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю вольнай Беларусі.