Кітай паведаміў аб новай успышцы каранавіруса

• 14.06.2020, 15:59

Многія з іх звязаныя з выбліскам на аптовым рынку прадуктаў харчавання ў Пекіне.

Кітай паведаміў аб высокай штодзённай колькасці новых выпадкаў інфікавання каранавірусам за апошнія два месяцы.

Як паведамляе «Радыё Свабода», кітайская Нацыянальная камісія аховы здароўя зарэгістравала 57 новых выпадкаў COVID-19, 36 з іх звязаныя з выбліскам на аптовым рынку прадуктаў харчавання ў Пекіне. Рынак быў закрыты 13 чэрвеня, а ў 11 суседніх жылых кварталах уведзены жорсткі карантын. Гэта першыя новыя пацверджаныя выпадкі ў сталіцы Кітая за больш чым 50 дзён. Адзначаецца, што Кітай не ўлічвае ў агульнай статыстыцы выпадкі бессімптомнай плыні хваробы.