Паўднёвая Карэя вяртае строгі карантын праз рост COVID

• 29.05.2020, 15:05

У краіне пачалі закрываць адкрытыя пасля карантыну ўстановы.

У Паўднёвай Карэі пачалі закрывацца дзяржаўныя музеі, галерэі і тэатры, якія напярэдадні адкрылі ў сувязі з абмежаваннем карантыну. Пра гэта піша korrespondent.net.

Установы сталічнага рэгіёну пачалі закрываць адразу пасля фіксацыі росту новых выпадкаў каранавіруса ў Сеуле.

Урад Паўднёвай Карэі таксама зрабіў больш жорсткімі захады ў адукацыйных установах. Пачатковыя і сярэднія школы, у тым ліку ў сталіцы і яе прыгарадах, абавязалі абмежаваць колькасць навучэнцаў, якая не павінна перавышаць адной траціны ад агульнай колькасці школьнікаў.

У міністэрстве адукацыі краіны таксама нагадалі аб абавязковым захаванні сацыяльнай дыстанцыі ва ўстановах.

Ужо другі дзень запар у Паўднёвай Карэі фіксуюць больш за 50 новых выпадкаў захворвання, пры гэтым вялікая частка з іх прыпадае на сталічны рэгіён.

Як паведамлялася, у Паўднёвай Карэі 28 траўня паведамілі пра самую вялікую колькасць новых выпадкаў захворвання на каранавірус амаль за два месяцы.