Паўднёвая Карэя аднаўляе карантын праз рост колькасці хворых COVID-19

• 28.05.2020, 21:40

У краіне вернуць некаторыя карантынныя абмежаванні.

Паўднёвая Карэя аднаўляе дзеянне некаторых карантынных захадаў праз рост колькасці заражаных каранавірусам. Пра гэта заявіў міністр аховы здароўя Пак Нын Ху, паведамляе DW.

Між іншым, у краіне на два тыдні закрыюцца музеі, паркі і мастацкія выставы. За апошнія дні ў Паўднёвай Карэі выявілі 79 новых выпадкаў заражэння каранавірусам.

Гэта самы вялікі штодзённы прырост за апошнія 53 дні. Агульная колькасць заражаных у Паўднёвай Карэі дасягнула 11 344, 269 чалавек памерла.

Рост колькасці інфіцыраваных звязаны з лагістычным цэнтрам Coupang у горадзе Пучхон, які не прытрымліваўся асноўных рэкамендацый, уключаючы падтрыманне дыстанцыі паміж людзьмі ў яго кафетэрыі.