Блогер Ціханоўскі праводзіць у Магілёве пікет пад лозунгам «Стоп прусак!»

• 27.05.2020, 17:35

Тысячы чалавек выстраіліся ў чаргу, каб паставіць подпіс за «кандыдата пратэсту».

Блогер Youtube-канала «Краіна для Жыцця» Сяргей Ціханоўскі прыехаў у Магілёў, дзе праводзіць легальны пікет для збору подпісаў за вылучэнне ягонай жонкі Святланы Ціханоўскай у кандыдаты ў прэзідэнты.

На легальны мітынг ужо прыйшлі сотні чалавек. Сяргей Ціханоўскі падкрэслівае, што не будзе заклікаць людзей удзельнічаць у «выбарах», а галоўнай мэтай ягонай кампаніі з'яўляюцца свабодныя выбары без Лукашэнкі.