У дзіцячым садзе ў Жлобіне адміністрацыя паведаміла пра COVID-19 пасля выпускнога

• 26.05.2020, 20:25

Каранавірус таксама выяўлены ў адной са школ горада.

Пра каранавірус у дзіцячым садзе №38 у Жлобіне адміністрацыя паведаміла пасля таго, як у ім быў праведзены выпускны. Таксама Covid-19 знойдзены ў школе №9, паведамляе тэлеграм-канал «Баста!».

«Сёння ў дзіцячым садзе №38 у Жлобіне быў выпускны, пасля якога прыйшло паведамленне ў вайбер аб увядзенні масачнага рэжыму, а таксама пра тое, што ў групе №11 ёсць кантакт першага ўзроўню.

Здавалі падручнікі ў сярэдняй школе №9. На вуха па сакрэце настаўніца сказала, што 1Б клас закрылі на карантын, там ёсць заражанае каранавірусам дзіця», - піша жыхарка Жлобіна.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю свабоднай Беларусі.