У Лівіі войска Хафтара страціла кантроль над яшчэ двума базамі

• 23.05.2020, 19:55

Войскі Урада нацыянальнай згоды значна прасунуліся на поўдзень ад Трыпалі.

У Лівіі войскі прызнанага міжнароднай супольнасцю Урада нацыянальнай згоды (УНЗ) працягваюць паспяховыя аперацыі супраць сіл «Лівійскага нацыянальнага войска» (ЛНВ) Халіфы Хафтара, заняўшы дзве вайсковыя базы. Пра гэта ў суботу, 23 траўня, паведамляе korrespondent.net са спасылкай на Анадолу.

«Пад кантроль сіл прызнанага ААН Урада нацыянальнай згоды Лівіі перайшла стратэгічна важная вайсковая база Хамза на поўдзень ад Трыпалі», - гаворыцца ў паведамленні.

Пазней стала вядома, што лівійскае войска зачысціла ад сіл Хафтара яшчэ адну вайсковую базу - Ермук.

Прадстаўнік штаба Лівійскага войска палкоўнік Мухамед Кунуну распавёў, што сапёры праводзяць размінаванне аб'ектаў, кінутых войскам Хафтара.

Таксама ўказана, што ў пятніцу частка войска УНС значна прасунулася ў раёнах Салахаддзін і Аль-Мешру на поўдзень ад Трыпалі.

Нагадаем, ЛНА і ўрад, што падтрымліваецца ААН, з красавіка 2019 года вядуць барацьбу за кантроль над сталіцай Трыпалі. У выніку сутыкненняў былі перамешчаныя больш за 150 тысяч грамадзянскіх асоб.