«Рэпарцёры без межаў» запатрабавалі вызваліць беларускіх журналістаў
- 13.05.2020, 15:17
Арганізацыя заклікала ўзмацніць ціск на афіцыйны Менск.
13 траўня міжнародная праваабарончая арганізацыя «Рэпарцёры без межаў» апублікавала заяву з патрабаваннем вызваліць журналістаў, затрыманых у Беларусі, паведамляе «Белсат».
У заяве гаворыцца, што за апошнія некалькі дзён былі затрыманыя пяць журналістаў: Міхаіл Аршынскі, Аляксандр Буракоў, Зміцер Лупач, Алесь Асіпцоў і Аляксандр Баразенка. Апошні быў вызвалены пасля трох гадзін затрымання, а астатнія знаходзяцца пад адміністрацыйным арыштам.
«Рэпарцёры без межаў» асуджаюць пераслед журналістаў і «заклікаюць міжнародную супольнасць узмацніць ціск на Менск, каб забяспечыць павагу свабоды прэсы».