Знойдзенае цела зніклай унучкі Робэрта Кэнэдзі

• 7.04.2020, 9:44

Мэйв Кэнэдзі і ейны васьмігадовы сын прапалі падчас плавання на каноэ ў штаце Мэрылэнд.

Супрацоўнікі паліцыі выявілі цела Мэйв Кэнэдзі Таўнсенд Макін, унучкі былога генпракурора ЗША Робэрта Кэнэдзі, брата 35-га прэзідэнта Джона Кэнэдзі. Пра гэта паведамляе тэлеканал CBS Baltimore (пераклад - РБК).

Пошукі Мэйв Кэнэдзі і ейнага васьмігадовага сына пачалі пасля таго, як яны зніклі падчас прагулкі на каноэ ў Чэсапіцкай затоцы ў штаце Мэрыленд 2 красавіка.

Удакладняецца, што цела жанчыны было знойдзена ля берагоў заліва ўвечары 6 красавіка. Цела хлопчыка знайсці пакуль не ўдалося, але ў паліцыі надумалі аднавіць яго пошукі ў аўторак, паведамляе тэлеканал.

Са звестак газеты USA Today, Мейв Кэнэдзі і ейны сын селі ў каноэ, каб дастаць мяч, які ўпаў у ваду. Аднак праз моцны вецер судна вынесла ў адкрыты заліў і яны не змаглі вярнуцца назад. Пазней паліцыянты выявілі перакуленую лодку, на якой зніклыя сплылі ў затоку.

4 красавіка, пасля 26-гадзінных пошукаў, паліцыя прыняла пастанову аб спыненні пошукаў і прызнанні Мейв Кэнэдзі і ейнага сына загінулымі.