Даходы «Газпрома» ад экспарту газу за два месяцы абрынуліся ўдвая

• 6.04.2020, 15:33

Фізічны экспарт зменшыўся на 24,6%.

Прыбытак расейскага «Газпрома» ад экспарту газу ў студзені - лютым 2020 года ў параўнанні з такім жа перыядам 2019 года знізіўся на 51,3%, паведамляе ТАСС са спасылкай на звесткі Федэральнай мытнай службы. Усяго карпарацыя атрымала ад экспарту газу за два месяцы $5,05 млрд.

Пры гэтым фізічны экспарт абрынуўся на 24,6% і склаў 32,5 млрд куб. м. У лютым за мяжу было пастаўлена 14,2 млрд куб. м газу, што на 22,5% менш, чым годам раней. Лютаўскія пастаўкі прынеслі карпарацыі $2 млрд.