Каранавірус дабраўся да Шумілінскага раёна

• 4.04.2020, 17:17

Каранавірус быў знойдзены ў мужчыны з раённага цэнтра.

3 красавіка ў другой палове дня ў гарадскім пасёлку Шуміліна, у цэнтры Шумілінскага раёна з'явілася інфармацыя аб магчымым выпадку каранавірусу.

Каранавірус быў знойдзены ў мужчыны з раённага цэнтра. Ягоная жонка была змешчаная на карантын, а памяшканні ўстановы, у якой яна працуе, былі апрацаваныя антысептыкам спецыялістамі.

«На гэты момант чалавек знаходзіцца ў медыцынскай установе», - паведаміў «Радыё Свабода» Шумілінскі райвыканкам. - Ёсць выпадак захворвання (на COVID-19. - заўв.). Пакуль, дзякуй Богу, усё добра».