Reuters: Саміт АПЕК+ будзе перанесены

• 4.04.2020, 15:40

Крыніцы ў арганізацыі назвалі новую дату.

Краіны-ўдзельніцы ўгоды АПЕК+ перанеслі экстраны саміт, які быў запланаваны на 6 красавіка. Пра гэта паведамляе Reuters са спасылкай на дзве крыніцы ў арганізацыі ў суботу, 4 красавіка.

З іх слоў, новай датай правядзення саміту можа быць 8 або 9 красавіка. Гэта дасць дадатковы час для перамоваў з нагоды аб'ёмаў скарачэння здабычы.

У сваю чаргу крыніцы ТАСС у дэлегацыях краін АПЕК+ сцвярджаюць, што перанос сустрэчы абмяркоўваецца. Са слоў аднаго суразмоўцы агенцтва, 6 красавіка ўжо не з'яўляецца канчатковай датай, іншая крыніца заявіла, што мерапрыемства могуць перанесці на чацвер, 9 красавіка.