Паўночная Македонія стала 30-м чальцом NАТО

• 3.04.2020, 10:50

Прыняццю краіны ў альянс папярэднічаў доўгі працэс, які ўключаў змену яе назвы.

Міністры замежных спраў NАТО ў чацвер віталі Паўночную Македонію як новага чальца альянсу, паклаўшы канец доўгаму працэсу, які уключаў змену назвы краіны, паведамляе «Голас Амерыкі».

«Мы вітаем Паўночную Македонію ў якасці 30-га чальца NАТО», - заявілі міністры пасля відэаканферэнцыі, у якой міністр замежных спраў Паўночнай Македоніі стаў паўнапраўным удзельнікам.

Паўночная Македонія ўзняла свой сцяг над штаб-кватэрай NАТО ў Бэльгіі раней на гэтым тыдні.

Чальцы NАТО падпісалі дамоўленасць аб уступленні краіны ў альянс пасля таго, як была развязаная даўняя спрэчка з Грэцыяй аб яе назве. Македонія стала называцца Паўночнай Македоніяй.