Лукашэнка звольніў намесніка кіраўніка МНС

• 3.04.2020, 9:38

Генерал адпраўлены ў запас «з прычыны хваробы».

Лукашэнка прыняў кадравую пастанову, якая тычыцца кіроўнага складу Міністэрства ў надзвычайных сітуацыях, паведамляюць naviny.by.

Як паведамляе прэс-служба дыктатара, сёння Лукашэнка вызваліў генерал-маёра ўнутранай службы 50-гадовага Генадзя Ласуту ад пасады намесніка міністра - ён звольнены ў запас з прычыны хваробе з правам нашэння ўстаноўленай формы адзення і знакаў адрознення.

На пасадзе намесніка міністра афіцэр служыў з кастрычніка 2009 года.

8 лютага 2013 года Лукашэнка прысвоіў палкоўніку Ласуту ранг генерала, «залатыя» пагоны былі яму ўручаныя праз пару тыдняў на ўрачыстым прыёме з нагоды Дня абаронцы Айчыны.