«У Стоўбцах усё дрэнна, вельмі шмат памерлых»

• Любоў Лунёва
• 28.04.2020, 9:26

Клініка запоўненая хворымі на каранавірус, заражаныя медыкі і мясцовая міліцыя.

«У Стоўбцах і сапраўды ўсё дрэнна», - піша ў «Фэйсбуку» беларуская журналістка Любоў Лунёва.

«На мясцовых могілках вельмі шмат новых магіл. На некаторых нават кветкі яшчэ не завялі. Мяркуючы з шыльдаў, пік прыпадае на 20-ы дзень. І ёсць маладыя людзі сярод памерлых.

Лякарня ўся запоўненая. Лекары там фактычна жывуць.Мясцовыя міліцыянты, аўтаінспектары таксама падхапілі. Іх на самаізаляцыю адправілі. Эпідэміёлаг, галоўны лекар, пракурорскія... Шмат людзей заразіліся».