САЗ: У перахварэлых на COVID-19 тэсты на антыцелы не выявілі імунітэту

• 18.04.2020, 13:10

Апублікаваныя звесткі новых даследаванняў.

У тых, хто перахварэў на COVID-19, тэсты на антыцелы не паказваюць імунітэту ад каранавірусу. Пра гэта заявіла экспертка Сусветнай арганізацыі здароўя (САЗ) Марыя Ван Керкхове, паведамляе CNBC.

Раней паведамлялася, што эксперты САЗ пакуль не могуць адназначна сказаць, ці выпрацоўваецца імунітэт ад каранавірусу ў тых, хто перахварэў на COVID-19. Даследаванні паказваюць, што ў адных людзей антыцелы выпрацоўваюцца, у іншых – не.

Напярэдадні нямецкі вірусолаг, прафесар Кірстэн Дрост назваў бескарыснымі тэсты на антыцелы да каранавірусу. Паводле ягоных словаў, яны рэагуюць на ўсе каранавірусныя інфекцыі, не пазнаючы COVID-19.