Якім аўтамабілям аддае перавагу Ілан Маск
- 4.03.2020, 19:26
Агляд любімых аўто вядомага бізнэсоўца.
Autoparus.by распавёў пра самыя любімыя аўтамабілі Ілана Маска.
BMW 320i, 1978 года
Першым аўтамабілем Ілана Маска быў менавіта BMW 320i. Купіў ён яго ў 1994 годзе за 1400 даляраў. Аўтамабіль абсталяваны двухлітровым рухавіком з магутнасцю 109 конскіх сіл. Маск прызнаўся, што аўтамабіль пастаянна ламаўся, патрабаваў шмат сіл і часу. Ён сам рамантаваў аўто і праездзіў на ім 2 гады. Змяніць яго ён наважыў пасля таго, як падчас паездкі ў аўтамабіля адвалілася кола.
Jaguar E-Type 1967 года
Пра гэта аўто Маск марыў з 17 гадоў. І ён паабяцаў сабе, што абавязкова яго купіць. Атрымаўшы салідны прыбытак ад продажу акцый, Ілан купіў сабе Jaguar і здзейсніў сваю мару.
Jaguar абсталяваны пяцілітровым рухавіком магутнасцю ў 314 конскіх сіл, разгон да 100 км/г за 7 секунд. Але гэты аўтамабіль яму таксама прынёс расчараванне.
McLaren F1
Спорткар зацікавіў Маска сваім футурыстычным вонкавым выглядам. Аўто часта параўноўваюць з касмічнай капсулай. Ілан карыстаўся ім некалькі гадоў, наездзіў 18 тысяч кіламетраў. Але неяк Маск паехаў на дзелавую сустрэчу разам з сузаснавальнікам PayPal Пітэрам Тылем і хацеў пахваліцца магчымасцямі аўто. У выніку, здарылася аварыя. Пасля якой шкло і колы не падлягалі аднаўленню, а кузаў атрымаў моцныя пашкоджанні.
Audi Q7
Яго наступным аўто стала Audi Q7. Маску не вельмі падабаўся салон аўтамабіля, і ён часта выказваўся пра недахопы. Затое Audi натхніла яго на стварэнне дзвярэй у форме сакалінага крыла.
Lotus Esprit
Маск захацеў купіць яго, пасля прагляду фільма з Джэймсам Бондам, дзе Lotus Esprit пры націску на кнопку ператвараецца ў субмарыну. Але ў жыцці гэтая функцыя адсутнічала, што вельмі знервавала Ілана. Але ён адразу заявіў, што хоча ўсталяваць сілавую ўстаноўку ад Tesla на Lotus і паспрабаваць рэалізаваць ператварэнне ў субмарыну.
Porsche 911 Cabrio
Вось якая сур'ёзная калекцыя аўто можа абысціся без Porsche? Маск не стаў выключэннем, купіўшы сабе кабрыялет з 6-ці цыліндравым рухавіком і магчымасцю разгону да 310 км/г.
Hamann BMW M5
Ілан вельмі любіць паганяць. Таму зноў купляе сабе BMW. У магутнай мадыфікацыі BMW 5-ай серыі з магутнасцю рухавіка 567 к.с.. Аўтамабіль разганяецца да 100 км/г даслоўна за 4 секунды.
Tesla
Значную частку гаража Ілана Маска займаюць мадэлі Tesla, якія сам і стварыў. Яго любімы аўтамабіль - Tesla Model S Perfomance з кампутарам FSD, а таксама палепшанай падвескай Raven. Аўтамабіль разганяецца да 96,5 км/г за 2,4 секунды і з'яўляецца паўсядзённым аўто Ілана. Таксама ў гаражы ёсць Model 3P і ёмісты электракар лінейкі Model X, разлічаны на семярых.