Трамп выступіў за яшчэ большае зніжэнне стаўкі ФРС ЗША

• 3.03.2020, 21:10

Сёння ФРС ЗША экстрана знізіла працэнтную стаўку ўпершыню з 2008 года.

Федэральная рэзервовая сістэма (ФРС) ЗША, якая выконвае функцыі цэнтральнага банка краіны, павінна працягваць зніжаць базавую працэнтную стаўку. Такое меркаванне выказаў амерыканскі прэзідэнт Дональд Трамп на сваёй старонцы ў Twitter, паведамляе РБК.

«ФРС зніжае [стаўку], аднак яна павінна працягваць паслабленне і, што самае галоўнае, адпавядаць іншым краінам-канкурэнтам», - напісаў Трамп. З ягоных слоў, «гульня ідзе не на роўных умовах», што «несумленна для ЗША». «Нарэшце прыйшоў час ФРС заняць лідзіруючыя пазіцыі. Больш паслабленняў і паніжэнняў!» - дадаў амерыканскі прэзідэнт.

Раней ФРС ЗША панізіла базавую працэнтную стаўку да ўзроўню 1-1,25%, апусціўшы яе на 0,5 п.п. (было 1,5-1,75%). Такое пазапланавае рашэнне было прынятае ў сувязі з распаўсюджваннем новага віду каронавіруса, які стварае дадатковыя рызыкі для эканамічнай актыўнасці. Гэта першае пазапланавае зніжэнне стаўкі ФРС пасля сусветнага крызісу ў 2008 годзе.